تحت ضى القمر وقت يحلى السمر
وفى وسط كل البشر والعيون فيها السهر
لقيت قلبى انكسر وفجأة اصبح حجر
انا الطفلة اليتيمة عايشة بجراح اليمة
شايفة غدار بيقتل قتل امى الرحيمة
ذنبى اعيش ام واب مفيش وتقلى لجنة بشر؟
لأمى وأبويا وداعى هجيب حقى بدراعى
ده انا لو هعيش فى جحور لحياتى ايه الداعى
هناضل مهما يكون ولو بتبكى العيون بكاها يعمل شرر
فى عدوى بيه اولع اوعاك يا قلبى تدمع
غالى عليه بكاك وكلام معسول لا تسمع
ده كلام مسموم مخدر للهمه عايز يهدر وهو دا الخطر
بكلامه عايزك تسلم طالب حوار يتكلم
عايزك بحقك تحلم وحلمك نهايته تألم
حلمك اخره كابوس رجليه عليك تدوس وضاع دمك هدر
انا اليتميمة الثورية لا غير بلادى قضية
ومهما اعيش من عمر سأنادى اريد الحرية
حريتى اقصى احلامى وسأنشد شعرى وانغامى
بأن القدس عربية
الأربعاء مايو 07, 2008 6:07 am
